លោក Carlo Ancelotti អ្នកចាត់ការក្រុម Real Madrid បាននិយាយថាខ្សែប្រយុទ្ធ Karim Benzema នឹងអាចចូលលេងបានវិញហើយក្នុងការប្រកួតទល់ Osasuna នៅរាត្រីនេះ។
ក្រុម Real Madrid នារដូវកាលនេះធ្វើបានល្អណាស់ ដោយរយៈពេល២៧ថ្ងៃចុងក្រោយ ពួកគេលេងដល់ទៅ៩ប្រកួតឯណោះ។ ដោយឡែក៩ប្រកួតនោះ ឈ្នះទាំង៩ប្រកួតទៀត ដែលជាការធ្វើបានល្អបំផុតក្នុងរយៈពេល១២០ឆ្នាំរបស់ក្លឹបហើយ។ បើទោះជាពួកគេលេងដោយមានឬគ្មានវត្ដមាន Benzema ក៏ Rodrygo និង Vinicius ធ្វើបានល្អផងដែរ។
យ៉ាងណាមិញ មុនការប្រកួតទល់ក្រុម Osasuna នៅរាត្រីនេះ លោក Ancelotti បាននិយាយថា៖ “Benzema| ចាប់ផ្ដើមលេងបានល្អវិញហើយ គាត់នឹងអាចចូលលេងបានវិញនៅរាត្រីនេះ។ គាត់បានហាត់យ៉ាងពេញលេញនៅពេញ១សប្ដាហ៍។ គាត់អាចលេងបានធម្មតាវិញហើយ”៕