លោក Erik Ten Hag បានអះអាងថាលោកទទួលបានយោបល់ខ្លះៗពីកូនក្រុម Sancho ក្នុងការបិទ Earling Haaland នៅរាត្រីនេះ។
ក្រុមបិសាចក្រហម Manchester United នឹងត្រូវទៅប្រកួតជាមួយក្រុម Manchester City នៅម៉ោង៨យប់នេះហើយក្នុងពានរង្វាន់ English Premier League ។ មុនការប្រកួតនោះចាប់ផ្ដើម លោក Ten Hag បានអះអាងថាលោកក៏ទទួលបានយោបល់ខ្លះៗពីកូនក្រុម Sancho ក្នុងការប្រកួត និងធ្វើយ៉ាងណាដើម្បីទប់កីឡាករ Haaland ផងដែរ។ ខណៈដែល Sancho និង Haaland នេះ ធ្លាប់លេងជាមួយគ្នាកាលនៅក្រុម Dortmund ។
គ្រូបង្វឹកដែលទើបឈ្នះពានរង្វាន់គ្រូល្អប្រចាំខែកាលពីខែមុន បានបន្ថែមទៀតថាលោកមានទំនុកចិត្តលើកូនក្រុម។ បច្ចុប្បន្ន Man Utd មានកីឡាករពោរពេញដោយបទពិសោធនិងសុទ្ធតែធ្លាប់ឈ្នះពានរង្វាន់ជាច្រើនផងដែរ ដូច្នេះមិនពិបាកនោះទេក្នុងការប្រកួតទល់ក្រុម Manchester City ៕