លោក Graham Potter បានដឹកនាំប្រកួតដំបូងនៅ Premier League ហើយក៏បានជួយក្រុមតោខៀវ Chelsea ឱ្យទទួលបានជ័យជម្នះលើក្រុម Crystal Palace ក្នុងលទ្ធផល ២-១ ផងដែរ។
ក្នុងការប្រកួតនេះ ក្រៅពីលទ្ធផលហើយអ្នកគាំទ្រក៏សប្បាយចិត្តដែលខ្សែប្រយុទ្ធចំណូលថ្មី Pierre-Emerick Aubameyang រកបានគ្រាប់បាល់ដំបូងផងដែរ។ អតីតកីឡាករ Arsenal រូបនេះទើបតែផ្លាស់មកនិងលេងបាន២ប្រកួតទេ ដោយយប់មិញ រូបគេជាអ្នកសម្រេចទីបាន១គ្រាប់ក្នុងចំណោម២គ្រាប់ដែលក្រុម Chelsea រកបាន។ ខណៈដែល១គ្រាប់ទៀតនោះធ្វើបានដោយ Conor Gallagher នៅចុងម៉ោងនិងជាគ្រាប់បាល់ជ័យជម្នះផងដែរ។
Chelsea ក្រោមការដឹកនាំរបស់លោក Potter ឃើញថាលេងដោយមានគុណភាពនិងទំនុកចិត្តច្រើន។ បើទោះជានៅតំបន់ប្រយុទ្ធមិនទាន់យល់ចិត្តគ្នាល្អ ប៉ុន្តែឃើញថាមានការកែប្រែស្ថានភាពប្រសើរឡើងជាងមុនដែរ។ នៅពេលនេះ ពួកគេឈរនៅចំណាត់ថ្នាក់ទី៥ ឆ្លងកាត់៧ប្រកួត មាន១៣ពិន្ទុ៕