លោក Jurgen Klopp បាននិយាយថាក្រុម Liverpool បានបង្ហាញទម្រង់លេងអាក្រក់មើលណាស់ក្នុងការប្រកួតទល់ក្រុម Brighton នៅយប់មិញនេះក្នុងពានរង្វាន់ English Premier League។
ក្រុម Liverpool នៅតែពិបាកលេងដដែលក្នុងការប្រកួតក្នុងលីគ។ ជាក់ស្ដែងនៅយប់មិញនេះ ពួកគេក្នុងដីខ្លួនឯងផងលេងបានត្រឹមស្មើជាមួយក្រុម Brighton ក្នុងលទ្ធផល ៣-៣ ប៉ុណ្ណោះ រកបានត្រឹម១ពិន្ទុពីការប្រកួតសប្ដាហ៍ទី៧។ ដោយលទ្ធផលនេះទៀតសោត ក៏កំពុងធ្វើឱ្យក្រុមហង្សក្រហមមានត្រឹម១០ពិន្ទុទេ ឈរនៅលេខ៩ក្នុងតារាង ឆ្ងាយពីក្រុមកំពូលតារាង Arsenal ដេលមានដល់២១ពិន្ទុហើយ។
ក្រោយចប់ការប្រកួតភ្លាម លោក Klopp បានបង្ហាញចំណាប់អារម្មណ៍ដែរថា៖ “យើងត្រូវលេងការពារ ហើយយើងមិនបានធ្វើវានោះទេ។ យើងមិនបានចុះការពារ ហើយក៏មិនបានឡើងទៅប្រយុទ្ធ។ កីឡាកររបស់យើងនៅពាក់កណ្ដាល វាពិតជាអាក្រក់មើលខ្លាំងណាស់។ វាបានធ្វើឱ្យខ្ញុំនឹកឃើញពេលខ្ញុំមកដឹកនាំក្រុមនេះដំបូង។ គ្រប់គ្នាសឹងតែគាំងបេះដូងទៅហើយ”៕