លោក Mikel Arteta អ្នកចាត់ការក្រុម Arsenal បាននិយាយថាលោកចង់ឱ្យកូនក្រុមទាំងអស់យកការឈឺចាប់នៅរដូវកាលមុន ដើម្បីជាកម្លាំងចិត្តលេងជាមួយក្រុម Spurs នៅម៉ោង៦:៣០នាទីល្ងាចនេះ។
ក្រុម Arsenal រដូវកាលមុនមានឱកាសបានឡើងទៅលេងនៅពានរង្វាន់ UEFA Champions League ទៅហើយ ប៉ុន្តែសោកស្ដាយពួកគេបែរជាលេងចាញ់ក្រុម Spurs ក្នុងលទ្ធផលដល់ទៅ ៣-០។ ការបរាជ័យនេះដែរ បានធ្វើឱ្យបាត់ឱកាសជាប់ Top4 របស់ក្រុមកាំភ្លើងធំ ហើយក្រុម Spurs ក៏ចាប់យកឱកាសដើម្បីបានលេងនៅ UCL វិញទៅ។
យ៉ាងណាមិញ នៅរដូវកាលនេះលោក Arteta ចង់ឃើញកូនក្រុមយកអ្វីដែលបានរៀនសូត្រនៅរដូវកាលមុនមកធ្វើជាកម្លាំងចិត្តសម្រាប់ត្រៀមប្រកួតជាមួយក្រុម Spurs ទៀតនារដូវកាលនេះ ហើយក៏មិនត្រូវឱ្យមានកំហុសដូចរដូវកាលមុនផងដែរ។ Arsenal ជាក្រុមចាប់ផ្ដើមបានល្អផងដែរនារដូវកាលនេះ ដូច្នេះរំពឹងថាពួកគេអាចធ្វើបានល្អទៀតនិងសងសឹកក្នុងការប្រកួតនៅល្ងាចនេះបាន៕