ក្រុម Bayern Munich បានរកឃើញជ័យជម្នះមកវិញហើយ ក្រោយពីយកឈ្នះលើក្រុម Leverkusen ក្នុងលទ្ធផល ៤-០ ក្នុងក្របខណ្ឌ Bundesliga ។
ប្រកួតកន្លងមកនេះ៤ប្រកួតជាប់គ្នាហើយដែលក្រុមខ្លាំងអាល្លឺម៉ង់លេងមិនស្គាល់ពាក្យថាឈ្នះ។ តែយ៉ាងណានៅយប់មិញ ពួកគេអាចត្រលប់មកយក៣ពិន្ទុវិញបានហើយ ក្រោយពីយកឈ្នះក្រុម Leverkusen យ៉ាងចាស់ដៃដល់ទៅ ៤-០ ឯណោះ។ ដោយ៤គ្រាប់សម្រេចបាននោះចេញពី Sadio Mane, Leroy Sane, Jamal Musiala និង Thomas Muller ។
ការបន្ថែម៣ពិន្ទុនៅសប្ដាហ៍នេះបានធ្វើឱ្យក្រុម Bayern Munich ឡើងទៅឈរនៅលេខ២ក្នុងតារាងសិន ដោយចាញ់ក្រុមលេខ១ Berlin ចំនួន២ពិន្ទុ។ ក្រុមលេខ១នេះ នឹងត្រូវលេងជាមួយក្រុម Frankfurt នៅរាត្រីនេះផងដែរ។ សម្រាប់ក្រុម Leverkusen វិញ ធ្វើមិនបានល្អសោះនៅរដូវកាលនេះ ដោយធ្លាក់ដល់លេខ១៦ទៅហើយ៕