ខ្សែប្រយុទ្ធ សៀង ចន្ធា បានបង្ហោះនៅលើបណ្ដាញសង្គម Facebook លើ Story របស់ខ្លួន ដែលហាក់ដូចជាបង្ហាញទៅប្រាប់អ្នកគាំទ្រថារូបគេកំពុងស្វែងរកក្លឹបថ្មីលេងហើយ។
ក្នុង Story នោះសរសេរថា៖ “កន្លែងនេះងងឹតណាស់ ទៅរកកន្លែងភ្លឺសិន”។ តើន័យមួយឃ្លានេះ អាចល្មមគ្រប់គ្រាន់ទេសម្រាប់កីឡាករវ័យក្មេងរបស់កម្ពុជាទៅរកក្លឹបថ្មីលេង? កន្លងមក ក៏មានដំណឹងថាខ្សែប្រយុទ្ធជម្រើសជាតិកម្ពុជាម្នាក់នេះ ត្រូវបានក្លឹបជាច្រើនទាក់ទងមកដែរ។ តែដោយសារបឹងកេត នៅអាចឃាត់គេបាន ទើបបន្ដលេងនារដូវកាលនេះ។ យ៉ាងណាមិញ នារដូវកាលក្រោយ ទំនងជាបឹងកេត មិនអាចបន្ដឃាត់បានទៀតទេ ទើបសាមីខ្លួនបង្ហោះសារដូចបញ្ជាក់់ខាងលើប្រាប់ទៅអ្នកគាំទ្រ។
រំលឹកដែរថា សៀង ចន្ធា ខ្សែប្រយុទ្ធលំដាប់កំពូលរបស់កម្ពុជា ក្លឹបជាច្រើនមិនថាក្នុងស្រុក ឬក្រៅស្រុកទេ សុទ្ធតែធ្លាប់ទាក់ទងមកគេទាំងអស់។ ចាំមើលចប់រដូវកាលនេះសិន ថាតើ ចន្ធា នឹងសម្រេចទៅលេងនៅក្លឹបណាបន្ដ ឬបន្ដស្នាក់នៅជាមួយបឹងកេតទៀត?