ក្រុមអធិរាជស Real Madrid ចាប់ផ្ដើមបារម្ភហើយថាខ្សែបម្រើ Toni Kroos នឹងអាចប្រកាសពីការចូលនិវត្ដន៍នៅចប់រដូវកាលនេះតែម្ដង ក្រោយពីកីឡាកររូបនេះមានឆន្ទៈខ្ពស់ពីអ្វីដែលខ្លួនសម្រេច។
កាសែតនៅអេស្ប៉ាញបានបញ្ជាក់ថា Kroos ចង់ចូលនិវត្តន៍ពីបាល់ទាត់នៅត្រឹមរដូវកាលនេះ ព្រោះចង់មានពេលជាមួយគ្រួសារឱ្យបានច្រើន ខណៈដែលរូបគេជាកីឡាករម្នាក់គត់ដែលឈ្នះពានរង្វាន់គ្រប់បែបយ៉ាងទាំងអស់។ មួយវិញទៀត ប្រភពដដែលបានបញ្ជាក់ទៀតថាកីឡាករអាល្លឺម៉ង់ម្នាក់នេះ ចង់ឈប់លេងនៅពេលដែលគេនៅលេងកម្រិតកំពូល មិនមែនឈប់នៅពេលធ្លាក់ទម្រង់នោះទេ។ ដូច្នេះហើយ ទើបបានជារូបគេចង់ព្យួរស្បែកជើងនៅរដូវកាលក្រោយតែម្ដង។
យ៉ាងណាមិញ Real Madrid នៅមិនទាន់ត្រៀមខ្លួននឹងបាត់បង់ខ្សែបម្រើឆ្នើមរបស់ខ្លួននោះទេ។ ពួកគេចង់ឱ្យ Kroos បន្ដជួយក្រុមទៀតសិន ដូច្នេះហើយទើបព្យាយាមបញ្ចុះបញ្ចូលគេឱ្យស្រលាញ់ការលេងបាល់ទាត់បន្ថែមទៀត។ ដោយកុងត្រារបស់ Kroos នៅ Real Madrid មានដល់ឆ្នាំ២០២៣ប៉ុណ្ណោះ ហើយសាមីខ្លួនក៏មិនទាន់បន្ដកុងត្រាថ្មីទៀតដែរ៕