ក្រុមបាល់ទាត់ជម្រើសជាតិឥណ្ឌូណេស៊ី បានដាក់គោលដៅលេងជាមួយក្រុមខ្លាំងៗ ជាពិសេសនៅ FIFA Ranking លំដាប់៦០ ដើម្បីពង្រឹងសមត្ថភាពពួកគេឱ្យកាន់តែខ្ពស់ថែម។
ឥណ្ឌូណេស៊ី ទើបតែលេងមិត្តភាពជាមួយក្រុមគូរ៉ាកាវ កាលពីពេលថ្មីៗនេះ ដោយលេង២ប្រកួត ក្រុមឥណ្ឌូណេស៊ីឈ្នះទាំងពីរប្រកួតក្នុងលទ្ធផល ៣-២ និង ២-១ ស្របពេលក្រុមគូរ៉ាកាវនេះស្ថិតនៅ FIFA Ranking លេខ៨៤។ ដោយសារតែមើលឃើញសមត្ថភាពក្រុមឡើងខ្លាំងបែបនេះហើយ ទើបខាងសហព័ន្ធបាល់ទាត់ឥណ្ឌូណេស៊ី បានដាក់គោលដៅថានឹងហៅក្រុមនៅ Ranking ខ្ពស់ៗបន្ថែមទៀតមកលេងមិត្តភាព ដោយអាច Ranking លំដាប់៦០អី។
រំលឹកថាក្រុមឥណ្ឌណេស៊ី ស្ថិតនៅ FIFA Ranking លេខ១៥៥ ហើយការឈ្នះក្រុមគូរ៉ាកៅនឹងធ្វើឱ្យក្រុមជម្រើសជាតិមួយនេះបន្ដទទួលបានពិន្ទុបន្ថែមទៀតហើយ។ គូរ៉ាកៅ មិនមែនជាក្រុមខ្សោយនោះទេ ជាក់ស្ដែងពួកគេលេងនៅពាន King’s Cup នៅប្រទេសថៃកន្លងទៅ ឈ្នះជើងឯកផង ក្រោយពីលេងស្មើវៀតណាម និងឈ្នះថៃ៕