កំពូលកីឡាករម៉ូតូទឹកកម្បុជា សាលី អ៊ូមើត បានបង្ហោះនៅលើបណ្ដាញសង្គមដើម្បីសុំការគាំទ្រនិងលើកទឹកចិត្តខ្លួន ចូលប្រកួតកម្មវិធីប្រណាំងម៉ូតូទឹកពិភពលោកដែលធ្វើឡើងនៅសហរដ្ឋអាមេរិកនៅសប្ដាហ៍ក្រោយនេះ។
ការប្រកួតជុំទី២ នៃព្រឹត្តិការណ៍ម៉ូតូទឹកពិភពលោក (Jet Ski World Series) ប្រចាំឆ្នាំ២០២២ នៅសហរដ្ឋអាមេរិក នៅសល់ពេលត្រឹម១អាទិត្យទៀតប៉ុណ្ណោះ។ សាលី អ៊ូមើត នឹងមានវត្ដមានប្រកួតក្នុងកម្មវិធីមួយនេះ ដោយតំណាងឱ្យកម្ពុជា។ ខណៈដែលមុនការប្រកួតចូលមកដល់ ម្ចាស់មេសាយមាសជើងឯកម៉ូតូទឹករូបនេះ បានអះអាងថាសុំកម្លាំងចិត្តពីអ្នកគាំទ្រផង ព្រោះនេះជាការប្រកួតលំដាប់ពិភពលោក។
អ៊ូមើត បាននិយាយថា៖ “រាត្រីសួស្ដីពុកម៉ែបងប្អូនកម្ពុជា នៅសល់ពេលតែមួយអាទិត្យទៀតប៉ុណ្ណោះ ព្រឹត្តិការណ៍ប្រកួតម៉ូតូទឹកពានរង្វាន់វើលខាប់ពិភពលោកនៅប្រទេសសហរដ្ឋអាមេរិក នឹងចាប់ផ្ដើមហើយ សូមផ្ដល់កម្លាំងចិត្តដល់ក្រុមកីឡាករជម្រើសជាតិម៉ូតូទឹកកម្ពុជាផង”៕