កម្មវិធីប្រដាល់ក្នុងទ្រុង UFC បានសម្រេចផ្អាកសកម្មភាពហ្វឹកហាត់ ប្រកួតរបស់ Conor McGregor និង Khabib Nurmagomedov មួយរយៈសិន រហូតដល់ការសើបអង្កេតត្រូវបានរកឃើញច្បាស់។
ការប្រកួតរវាង Conor McGregor និង Khabib Nurmagomedov នៅ UFC 229 បានបញ្ចប់ទៅដោយ Khabib ឈ្នះទឹក៤ ប៉ុន្តែក្រោយចប់ការប្រកួត ក៏មានរឿងវាយគ្នាផ្អើលសង្វៀនផងដែរ។ Khabib បានហក់ពីសង្វៀនទៅវាយមិត្តភក្ដិរបស់ Conor ស្របពេលដែល Conor នេះបានទៅវាយជាមួយក្រុមរបស់ Khabib នៅលើសង្វៀនទៀត។
កត្តានេះហើយបានធ្វើឱ្យ UFC ពិន័យពួកគេមិនឱ្យមានការប្រកួតតទៅទៀតទេ ដោយផ្អាកបណ្ដោះអាសន្នសិន ក្រោយពីធ្វើការសម្រេចម្សិលមិញ។ មួយវិញទៀត សម្រាប់ប្រាក់រង្វាន់២លានដុល្លាររបស់ Khabib ដែលវាយឈ្នះនោះ ខាង UFC នឹងផ្ដល់ត្រឹមពាក់កណ្ដាលសិនប៉ុណ្ណោះ ហើយត្រូវរង់ចាំរហូតដល់ធ្វើការសម្រេចម្ដងទៀត។ UFC នឹងហៅកីឡាករទាំងពីរ មកសួរនាំយ៉ាងលម្អិតចំពោះរឿងខាងលើដែលបានកើតឡើង៕ប្រភពDailyMail
