ក្រុមជម្រើសជាតិដាណឺម៉ាក់ នឹងប្រើប្រាស់ឯកសណ្ឋាន១ពណ៌និងដិតបំផុត ខ្មៅក្រហម ដើម្បីជាការបង្ហាញពីភាពប្រឆាំងសិទ្ធិមនុស្សដែលកើតឡើងនៅក្នុងប្រទេសកាតា។
អឺរ៉ុប កំពុងតាមដានខ្លាំងទៅលើបញ្ហាសិទ្ធិមនុស្សនៅប្រទេសកាតា ជាពិសេសទៅលើពលករ កម្មករដែលធ្វើការសាងសង់កីឡដ្ឋានដើម្បីត្រៀមប្រកួត World Cup 2022 ខាងមុខ។ ប្រភពជាច្រើនបានរកឃើញថាពួកគេធ្វើការលើសម៉ោង និងតម្លៃពលកម្មមិនសមស្របតាមច្បាប់ការងារនោះទេ។ ស្របពេលជាមួយគ្នានោះ មានដំណឹងថាមានកម្មករជាច្រើនពាន់នាក់បានស្លាប់ផងដែរ ដោយសារតែសម្រុកធ្វើការខ្លាំងពេក។
ដោយឡែកមន្ត្រីសិទ្ធិមនុស្សពិភពលោកក៏កំពុងតាមដាននិងបើកការសើបអង្កេតលើករណីនៅប្រទេសកាតានេះដែរ។ ក្រៅពីប្រទេសដាណឺម៉ាក់នេះទៅ ក្រុមជម្រើសជាតិអង់គ្លេសក៏នឹងអាចធ្វើឯកសណ្ឋានស្រដៀងទៅនឹងប្រទេសដាណឺម៉ាក់ផងដែរ ដើម្បីជាការបង្ហាញពីឆន្ទះប្រឆាំងការរំលោភសិទ្ធិមនុស្ស៕