ក្រុម FC Barcelona បាននិយាយថាពួកគេមានប្រាក់គ្រប់គ្រាន់ក្នុងការនាំយកខ្សែប្រយុទ្ធ Lionel Messi ត្រលប់មកលេងនៅទឹកដី Camp Nou វិញបានហើយនារដូវកាលក្រោយ។
Messi បានសម្រេចចិត្តចាកចេញពី Barcelona ទាំងមិនអស់ចិត្ត ក្រោយពីក្លឹបមានបញ្ហាសេដ្ឋកិច្ចមិនអាចបន្ដឱ្យគេលេងនៅអេស្ប៉ាញទៀតបាន។ កីឡាករអាហ្សង់ទីនក៏បានផ្លាស់ទៅលេងនៅ PSG ជាមួយកុងត្រារយៈពេល២ឆ្នាំ ហើយឆ្នាំនេះគឺជាឆ្នាំចុងក្រោយនៃកុងត្រារបស់គេហើយ។ ក្រុម PSG នៅមិនទាន់អាចបន្ដកុងត្រាថ្មីនៅឡើយទេ។ ដូច្នេះហើយទើប Barcelona មានគម្រោងនាំយក Legend របស់ខ្លួនត្រលប់មកវិញនារដូវកាលដោះដូរកីឡាករ។
បើតាមសម្ដីរបស់លោក Eduard Romeu អនុប្រធានក្លឹប Barcelona បានបញ្ជាក់ថា៖ “យើងអាចទៅរួចក្នុងការនាំយកគាត់មកវិញ ព្រោះនៅរដូវកាលក្រោយគាត់អាចមកលេងឱ្យយើងដោយ Free បាន។ ប៉ុន្តែវាជាការសម្រេចចិត្តរបស់គ្រូបង្វឹកនិងកីឡាករ។ វាមិនមែនពឹងផ្អែកលើខ្ញុំទាំងស្រុងនោះទេ ប៉ុន្តែយើងពិតជាអាចធ្វើវា”៕