ប្រធានក្រុម Harry Maguire របស់ក្រុមបិសាចក្រហម Manchester United នឹងមិនអាចចូលលេងបានទេក្នុងការប្រកួតទល់ក្រុម Manchester City នៅចុងសប្ដាហ៍នេះ។
Maguire បានត្រលប់ចូលទីលាននៅ Man Utd វិញកាលពីថ្ងៃពុធម្សិលមិញនេះ ជាមួយបញ្ហារបួសសាច់ដុំភ្លៅ អំឡុងការប្រកួតឱ្យក្រុមជម្រើសជាតិអង់គ្លេស។ ដោយសារតែបញ្ហានេះហើយ វាបានធ្វើឱ្យខ្សែការពាររូបនេះនឹងមិនអាចចូលលេងជួយក្រុមបិសាចក្រហមបាននោះទេ ក្នុងការប្រកួតជាមួយក្រុម Manchester City នាចុងសប្ដាហ៍នេះ។ តែបើគិតចាប់ពីដើមរដូវកាលនេះមក Maguire ដែលកាន់តំណែងជាប្រធានក្រុមនោះ មិនទទួលបានឱកាសលេងច្រើនឡើយ ក្រោមការដឹកនាំរបស់លោក Erik ten Hag ។
ខ្សែការពារ Raphael Varane និង Lisandro Martinez បានក្លាយជាកីឡាករជម្រើសដំបូងសម្រាប់តំណែងការពារកណ្ដាលបាត់ទៅហើយ ក្រោយពីពួកគេលេងសហការគ្នាបានយ៉ាងល្អ។ ដោយនេះសបញ្ជាក់ឱ្យឃើញនៅចប់រដូវកាលនេះទៅ Maguire ទំនងជាអាចពិចារណាចាកចេញពី Old Trafford ហើយ៕