តារាឆ្នើមសញ្ជាតិព័រទុយហ្គាល់បានត្រលប់មក Old Trafford វិញកាលពីឆ្នាំមុន ហើយបានយកលេខចាស់របស់គាត់កាលពីប្រកបអាជីពដំបូងនៅក្លឹបនេះ។
ប៉ុន្តែកីឡាករវ័យ ៣៧ ឆ្នាំរូបនេះត្រូវបានគេរំពឹងថានឹងចាកចេញពី Man United នៅចុងបញ្ចប់នៃរដូវកាលនេះ។
ការចាកចេញរបស់គាត់នឹងធ្វើឲ្យលេខ 7 នៅទំនេរ។ Manchester Evening News បានបង្ហាញថាកីឡាករពីរនាក់កំពុងប្រជែងគ្នាដើម្បីដណ្តើមយកលេខនេះ នៅមុនរដូវកាល ២០២៣/២៤។
Jadon Sancho និង Antony ត្រូវបានគេរំពឹងថាជាកីឡាករដ៏មានសក្ដានុពលដែលអាចពាក់អាវលេខ 7 នេះ។
ខ្សែបម្រើស្លាបអង់គ្លេសបច្ចុប្បន្នគឺពាក់អាវលេខ 25 នៅ Man United ខណៈដែលខ្សែប្រយុទ្ធប្រេស៊ីលពាក់អាវលេខ 21។
របាយការណ៍ដដែលនេះបានអះអាងថាក្លឹបចង់ឱ្យម្ចាស់អាវលេខ 7 បន្ទាប់របស់ពួកគេស្ថិតក្នុងទម្រង់ស្រដៀងនឹង Ronaldo។
គេបានបន្តថា “អ្នកដែលអាចពាក់អាវលេខ 7 មិនត្រឹមតែមានទេពកោសល្យខ្ពស់ប៉ុណ្ណោះនោះទេ ប៉ុន្តែវាក៏អាចជួយឲ្យទំហំពានិជ្ជកម្មពីលេខអាវមួយនេះកាន់តែខ្ពស់។ មិនតែប៉ុណ្ណោះ ក្លឹបចង់ឲ្យអ្នកដែលពាក់លេខនេះ ធានាបានថាគេពិតជាជោគជ័យដូចដែលប្រវត្តិអាវនេះផងដែរ”៕
ប្រភព៖ Sportbible