Maguire ត្រូវបានអ្នកគាំទ្រស្រែកឌឺដង បន្ទាប់ពីបានផ្តល់ឱកាសឱ្យក្រុមអាល្លឺម៉ង់រកគ្រាប់បាល់ ដោយបញ្ជូនបាល់ទៅឱ្យ Jamal Musiala ហើយបន្ទាប់មកបានបង្កកំហុសក្នុងប្រអប់គ្រោះថ្នាក់ ដែលឈានទៅដល់បាល់ពិន័យ១១ម៉ែត្រ។
Maguire ត្រូវបានគេរិះគន់សារជាថ្មី ក្រោយពេលស្មើ ៣-៣ នៅ Nations League ទល់នឹងអាល្លឺម៉ង់ ហើយរូបគេក៏បានបង្ហោះសារក្នុងបណ្ដាញសង្គមខ្លួន ដើម្បីសុំទោសចំពោះកំហុសរបស់គេផងដែរ។
ទោះបីជាមានកំហុសឆ្គងក្នុងការប្រកួតយ៉ាងណាក្តី Maguire នៅតែមានការគាំទ្រពី Neville ប៉ុន្តែរូបគេត្រូវបាន Neville លើកទឹកចិត្តឱ្យទៅទទួលយកសេវាចិត្តសាស្រ្តខាងក្រៅដែលមានជំនាញវិជ្ជាជីវៈ ដើម្បីបង្កើនទំនុកចិត្តរបស់ខ្លួនឡើងវិញដូចកាលពីមុន។
Neville ក៏ធ្លាប់ទៅរកពេទ្យចិត្តសាស្រ្តដែរ៖
ខ្ញុំបានបង្កកំហុសគ្រាប់បាល់ដ៏អាក្រក់ពីរគ្រាប់ទល់នឹង Vasco de Gama ក្នុងការប្រកួតជើងឯកក្លឹបពិភពលោកក្នុងឆ្នាំ ២០០០ បន្ទាប់មក៦ខែក្រោយមកបានបន្តបង្ហាញទម្រង់លេងដ៏អាក្រក់ក្នុងការប្រកួតជើងឯកទ្វីបអឺរ៉ុបអោយជម្រើសជាតិអង់គ្លេសជាមួយបែលហ្ស៊ិក និងហូឡង់។
ខ្ញុំមានការឈឺចាប់ បាត់បងទំនុកចិត្ត ខ្ញុំលែងចង់លេងបាល់ មិនចង់ចេញក្រៅ និងមិនចង់ជួបអ្នកណាទាំងអស់ អស់រយៈពេល ៨ ខែ។
បន្ទាប់មក ខ្ញុំក៏បានទៅជួបអ្នកជំនាញចិត្តសាស្រ្តដើម្បីជួយដោះស្រាយបញ្ហាបញ្ហាផ្លូវចិត្តខ្ញុំ ក្នុងគ្រានោះ៕
ប្រភព៖ The Sun