ក្រុមអ្នកគាំទ្រក្រុមជម្រើសជាតិអាមេរិក ចង់ឱ្យលោក Gregg Berhalter ចាកចេញពីតំណែងគ្រូបង្វឹកហើយ ក្រោយពីដឹកនាំក្រុមមិនបានល្អ មុនការប្រកួត World Cup មកដល់នៅចុងឆ្នាំនេះ។
ក្រុមអាមេរិក ២ប្រកួតចុងក្រោយនេះលេងចាញ់ក្រុមជប៉ុនក្នុងលទ្ធផល ២-០ ហើយក្រោយមកទៀតក៏លេងបានត្រឹមស្មើជាមួយក្រុមអារ៉ាប់ប៊ីសាអូឌីត ០-០ ទៀត។ ការធ្វើមិនបានល្អសោះនេះហើយ ទើបធ្វើឱ្យអ្នកគាំទ្របារម្ភខ្លាំងចំពោះការឈានជើងចូលលេងពានរង្វាន់ FIFA World Cup 2022 នៅចុងឆ្នាំនេះ។ ដោយខ្លាច ពួកគេមិនអាចឆ្លងផុតវគ្គចែកពូលផងក្នុងការប្រកួតធំ៤ឆ្នាំម្ដងនៅប្រទេសកាតា។
ដោយសារតែដូច្នេះហើយទើបបានជាអ្នកគាំទ្រចាប់ផ្ដើមចេញគំនិតចង់ឱ្យថា្នក់ដឹកនាំជម្រើសជាតិអាមេរិក ពិចារណាឡើងចំពោះតំណែងគ្រូបង្វឹកក្រុមដែលកំពុងដឹកនាំបច្ចុប្បន្នលោក Gregg Berhalter ។ ប្រសិនបើអាច ពួកគេចង់បានគ្រូបង្វឹកថ្មីដែលមានបទពិសោធច្រើនក្នុងការប្រកួតហើយ ពួកគេក៏រំពឹងថានឹងធ្វើបានល្អសម្រាប់ World Cup នៅឆ្នាំនេះដែរ។ ក្រុមជម្រើសជាតិអាមេរិក ស្ថិតនៅពូល B ជាមួយក្រុមអង់គ្លេស អ៊ីរ៉ង់ និងវែល៕