ក្រុម Atletico Madrid កំពុងរៀបចំឯកសារដើម្បីដាក់ស្នើនាំយកខ្សែការពារ Gerrard Pique ពីក្រុម FC Barcelona មករួមក្រុមនៅខែមករាដើមឆ្នាំ២០២៣ខាងមុខ។
ប្រភពនៅអេស្ប៉ាញបានបញ្ជាក់ថាទំនាក់ទំនងរបស់ Pique ជាមួយអ្នកចាត់ការ Xavi បានបែកបាក់ទៅហើយ ក្រោយពីលោក Xavi និយាយត្រង់ៗថាចង់ឱ្យខ្សែការពាររូបនេះស្វែងរកក្លឹបថ្មីលេង ព្រោះនារដូវកាលនេះគេនឹងពិបាកស្វែងរកនាទីចូលទីលានមិនខាន។ ដោយសារតែបែបនេះហើយ ទើបបានជាមានក្លឹបមួយចំនួនចាប់ផ្ដើមទាក់ទងទៅកីឡាករអេស្ប៉ាញនេះហើយ។ ដោយក្នុងនោះមាន AT Madrid មួយដែលចង់បាននិងចេញមុខមុនគេ។
ក្លឹបម៉ូយប្រចាំរបស់ Barcelona ខាងលើរំពឹងថានឹងអាចយកបានកីឡាករវ័យ៣៥ឆ្នាំនៅត្រឹមខែមករាដើមឆ្នាំ២០២៣ខាងមុខតែម្ដង។ ខណៈដែលលោក Diego Simeone ចង់បានកម្លាំងបន្ថែមឱ្យបានលឿនដែរ ដើម្បីមកពង្រឹងតំបន់ការពាររបស់ខ្លួនដែលតែងរបូតគ្រាប់បាល់ជាញឹកញាប់ ត្បិតអីក្រុមនេះល្បីថាលេងការពារបានល្អស្រាប់ទៅហើយ៕