ក្រុមអាហ្សង់ទីន មានកំណត់ត្រាល្អណាស់ លេង៣៥ប្រកួតមកហើយនៅមិនទាន់ស្គាល់ពាក្យថាចាញ់នោះទេ មុនការប្រកួត FIFA World Cup 2022 មកដល់នៅចុងឆ្នាំនេះ។
អាហ្សង់ទីន ក្នុងការប្រកួតមិត្តភាពនៅព្រឹកមិញនេះបានយកឈ្នះក្រុមចាមៃកាក្នុងលទ្ធផល ៣-០ ដោយប្រធានក្រុម Lionel Messi រកបាន២គ្រាប់ម្នាក់ឯងនៅចុងម៉ោងទៅហើយ។ ដោយនេះសបញ្ជាក់ឱ្យឃើញថាក្រុមជើងខ្លាំងនៅអាមេរិកឡាទីនមួយនេះ កំពុងរៀបចំខ្លួនបានល្អណាស់ក្នុងការប្រកួតនៅ World Cup 2022 នាចុងឆ្នាំ ត្បិតអីពួកគេក៏ជាបេក្ខភាពភាគរយច្រើនក្នុងការគ្រងជើងឯកផងដែរ។ ដោយកន្លងមក ៣៥ប្រកួតមកហើយ អាហ្សង់ទីនមិនទាន់ស្គាល់ពាក្យថាចាញ់នោះទេ។
ក្នុងការប្រកួត FIFA World Cup 2022 ក្រុមអាហ្សង់ទីនស្ថិតនៅពូល C ជាមួយក្រុមអារ៉ាប់ប៊ីសាអូឌីត មិចសិកូ និងប៉ូឡូញ។ ការប្រកួតពានរង្វាន់មួយនេះនឹងធ្វើឡើងចាប់ពីថ្ងៃ២០ខែវិច្ឆិកា រហូតដល់ថ្ងៃទី១៨ខែធ្នូឆ្នាំ២០២២៕