ក្រុមបាល់ទាត់ជម្រើសជាតិអេស្ប៉ាញ បានទម្លាក់ក្រុមព័រទុយហ្គាល់ពីពានរង្វាន់ UEFA Nations League ហើយ ក្រោយពីយកឈ្នះក្នុងលទ្ធផល ១-០ នៅយប់មិញនេះ។
ការប្រកួតនេះដែរ ក្រុមម្ចាស់ផ្ទះព័រទុយហ្គាល់មានប្រៀបជាងបន្ដិចដែរមុនការប្រកួត ដោយពួកគេទប់ត្រឹមស្មើក៏អាចមានឱកាសឡើងទៅវគ្គ៤ក្រុមចុងក្រោយដែរ។ តែមិនសំណាងនៅចុងម៉ោងទៅហើយ Morata ទាត់សម្រេចទីបាន១គ្រាប់ ដែលជាគ្រាប់បាល់ជ័យជម្នះលើក្រុមព័រទុយហ្គាល់តែម្ដង។ ដោយនេះបានបញ្ចប់ក្ដីសង្ឃឹមយកពានរង្វាន់ Nations League ជាលើកទី២របស់ក្រុមព័រទុយហ្គាល់ទៅហើយ។
ក្រុមអេស្ប៉ាញក្រោយពីឈ្នះព័រទុយហ្គាល់ ១-០ ទទួលបាន៣ពិន្ទុបន្ថែមនេះបានជួយឱ្យពួកគេឡើងទៅឈរនៅកំពូលតារាង ហើយមានឱកាសឡើងទៅវគ្គ៤ក្រុមចុងក្រោយហើយ។ ដោយវគ្គបញ្ចប់នេះដែរ ៤ក្រុមដែលត្រូវលេងមានអេស្ប៉ាញ អ៊ីតាលី ក្រូអាត និងហុល្លង់៕