ក្រុមបាល់ទាត់កម្ពុជាក្រោមអាយុ១៧ឆ្នាំនឹងត្រូវទៅប្រកួតពានរង្វាន់ AFC U17 Championship 2023 នៅប្រទេសអូស្ត្រាលី ពីថ្ងៃ៥ខែតុលារហូតដល់ថ្ងៃ៩ខែតុលាឆ្នាំ២០២២ខាងមុខនេះ។
នៅឆ្នាំនេះដែរ ក្រុមជម្រើសជាតិកម្ពុជាគ្រប់កម្រិតសុទ្ធតែមានភារកិច្ចប្រកួតអន្ដរជាតិទាំងអស់ មានទាំងកម្រិតនៅ AFF និង AFC ជាដើម។ ជាក់ស្ដែង ទើបតែចប់ការប្រកួត AFC U20 កន្លងទៅទេ តែពេលនេះក៏ស្រាប់តែដល់ភារកិច្ចរបស់ក្រុម U17 ម្ដងទៅហើយ។ ក្រុម U17 កម្ពុជា នឹងត្រូវប្រកួតពានរង្វាន់ AFC U17 Championship នៅដើមខែក្រោយនេះហើយ ដែលធ្វើឡើងនៅប្រទេសអូស្ត្រាលី។
ក្នុងការប្រកួតនោះដែរ ក្រុម U17 កម្ពុជាស្ថិតនៅពូលជាមួយក្រុមម្ចាស់ផ្ទះអូស្ត្រាលី ក្រុមចិន និងក្រុមកោះម៉ារីណាខាងជើង។ ប្រកួតដំបូង U17 កម្ពុជា ប៉ះក្រុម U17 ចិននៅថ្ងៃទី៥ខែតុលា ហើយបន្ដប៉ះក្រុមអូស្ត្រាលីនៅថ្ងៃទី៧ខែតុលា និងប្រកួតចុងក្រោយប៉ះក្រុមម៉ារីណាខាងជើងនៅថ្ងៃទី៩ខែតុលាឆ្នាំ២០២២៕