លោក Luis Enrique បាននិយាយថាសមាជិកក្រុមជម្រើសជាតិព័រទុយហ្គាល់សុទ្ធតែល្អៗជាងក្រុមអេស្ប៉ាញរបស់ខ្លួនទាំងអស់ មុនការប្រកួតរវាងក្រុមទាំងពីរចាប់ផ្ដើមនៅយប់នេះ។
ក្រុមអេស្ប៉ាញនឹងត្រូវប្រកួតជាមួយក្រុមព័រទុយហ្គាល់នៅយប់នេះ ដើម្បីកាត់សេចក្ដីក្រុមណាជាអ្នកឈរនៅកំពូលតារាង ហើយបានឡើងទៅវគ្គ៤ក្រុមចុងក្រោយនៃពានរង្វាន់ UEFA Nations League។ ដោយមុនការប្រកួតចាប់ផ្ដើម លោក Luis Enrique បានបង្ហាញចំណាប់អារម្មណ៍ថា៖ “អេស្ប៉ាញនៅពេលនេះ យើងអាចនិយាយបានថាក្រុមព័រទុយហ្គាល់មានសមាជិកល្អជាង។ ចាប់ផ្ដើមពីកីឡាករលេងនៅ Premier League , La Liga និងលីគផ្សេងៗទៀត។ ពួកគេមានសមត្ថភាពល្អច្រើន វាពិតជាគួរឱ្យចាប់អារម្មណ៍ណាស់”។
រំលឹកថាអេស្ប៉ាញកំពុងឈរនៅលេខ២ក្នុងតារាង ដោយចាញ់ពិន្ទុក្រុមលេខ១ព័រទុយហ្គាល់ចំនួន២ពិន្ទុ។ ដូច្នេះហើយ ការប្រកួតនៅរាត្រីនេះ អេស្ប៉ាញត្រូវការឈ្នះព័រទុយហ្គាល់ជាចាំបាច់តែម្ដង ដើម្បីមានកៅអីឡើងទៅវគ្គ៤ក្រុមចុងក្រោយជាមួយក្រុមអ៊ីតាលី ក្រូអាត និងហុល្លង់ក្នុងពានរង្វាន់ UEFA Nations League នារដូវកាលនេះ៕