ក្រុមបាល់ទាត់ជម្រើសជាតិអ៊ីតាលីបានឡើងទៅវគ្គ៤ក្រុមចុងក្រោយនៃពានរង្វាន់ UEFA Nations League ហើយ ក្រោយពីយកឈ្នះលើក្រុមហុងគ្រីក្នុងលទ្ធផល ២-០។
មុនការប្រកួតចាប់ផ្ដើម គ្រប់គ្នាបានគិតថាអ៊ីតាលីស្ថិតនៅពូលមរណៈហើយ ព្រោះមានទាំងអាល្លឺម៉ង់ អង់គ្លេស និងហុងគ្រី។ ខណៈដែលការប្រកួតពានរង្វាន់ UEFA Nations League នេះទៀតសោត គេយកតែក្រុមលេខ១កំពូលតារាងប៉ុណ្ណោះដើម្បីឡើងទៅវគ្គ៤ក្រុមចុងក្រោយ។ តែនៅទីបំផុត ការលេងបានល្អនៅប៉ុន្មានប្រកួតចុងក្រោយនេះ បានធ្វើឱ្យអ៊ីតាលីមានឱកាសឈរនៅលេខ១និងទទួលបានកៅអីឡើងទៅវគ្គបន្ដហើយ។
ប្រកួតចុងក្រោយនៅយប់មិញ ក្រុមរបស់លោក Mancini បានយកឈ្នះលើក្រុមហុងគ្រី ២-០ ហើយ២គ្រាប់នោះដែររកបានដោយ Raspadori ១គ្រាប់ និង Dimarco ១គ្រាប់។ ជ័យជម្នះនេះល្មមសម្រាប់ក្រុមអ៊ីតាលីឡើងទៅវគ្គបន្ដ ខណៈដែលវគ្គ៤ក្រុមចុងក្រោយនោះមាន២ក្រុមឈរចាំរួចជាស្រេចហើយគឺក្រូអាត និងហុងល្លង់។ ១ក្រុមទៀតដែលនឹងដឹងនៅយប់នេះ គឺអេស្ប៉ាញប៉ះព័រទុយហ្គាល់៕
