ក្រុម Dortmund ពិតជាធ្វើបានល្អមែនទែន ដោយអាចស៊ីក្រុមខ្លាំង Atletico Madrid បានដល់ទៅ ៤-០ ឯណោះ ក្នុងការប្រកួតសន្សំពិន្ទុ Champions League ។
Dortmund កំពុងឡើងជើងមែនទែននៅរដូវកាលនេះ ដោយការប្រកួតរបស់ពួកគេឈ្នះជាប់គ្នា ហើយស្វែងរកគ្រាប់បាល់បានច្រើនៗថែមទៀត។ តួយ៉ាងដូចជាការប្រកួតទល់ក្រុម AT Madrid យប់មិញអីចឹង លេងនៅដីខ្លួនឯង ពួកគេពិតជាធ្វើបានល្អ ដោយអាចរកគ្រាប់បាល់បានដល់៤គ្រាប់ឯណោះ។ ៤គ្រាប់ដ៏សំខាន់នេះ ធ្វើបានដោយ Witsel នៅនាទី៣៨ Raphael Guerreiro នាទី៧៣ Sancho នាទី៨៣ និង Guerreiro ដដែលនៅនាទី៨៩។
១គ្រាប់យប់មិញនេះរបស់ Sancho គឺជាគ្រាប់បាល់ដំបូងរបស់កីឡាករវ័យក្មេងនេះហើយនៅ Champions League ក្រោយពីបង្ហាញទម្រង់លេងលេចធ្លោនៅក្រុម Dortmund រដូវកាលនេះ។ ទម្រង់លេងល្អនេះហើយ ក៏បានធ្វើឱ្យរូបគេមានឱកាសបានជាប់ជម្រើសជាតិអង់គ្លេសផងដែរ៕ប្រភពDailyMail
