ជម្រើសជាតិអង់គ្លេសធ្វើមិនបានល្អទេ នៅការប្រកួតរដូវក្តៅ ហើយសម្រាប់ពានរង្វាន់ Nations League ពួកគេថែមទាំងធ្លាក់ចេញពី League A ទៀតផង។ នេះមុនការប្រកួតព្រឹត្តិការណ៍ខ្នាតយក្ស FIFA World Cup ចូលមកដល់តែជាង ៥០ ថ្ងៃ ក៏នាំឲ្យអ្នកគាំទ្រមានការព្រួយបារម្ភជាខ្លាំង ខ្លាចក្រែងក្រុមដឹកនាំដោយលោក Gareth Southgate ធ្លាក់តាំងពីវគ្គដំបូងនៅពេលខាងមុខ។
ទោះជាយ៉ាងណាងាកទៅប្រធានក្រុមកីឡាករ Harry Kane បានឆ្លើយតបទៅការរិះគន់ទាំងឡាយ ហើយសង្កត់ធ្ងន់ សុំឲ្យរង់ចាំសិន ដោយមើលលទ្ធផលនៅខែវិច្ឆិកា នាព្រឹត្តិការណ៍ World Cup សឹមធ្វើការវិនិច្ឆ័យថាអង់គ្លេសល្អឬអត់។
កីឡាកររបស់ក្លឹប Spurs និយាយ៖ “ខ្ញុំយល់ការបារម្ភពីអ្នកគាំទ្រ ខ្ញុំក៏ជាអ្នកគាំទ្រអង់គ្លេសមួយរូបដែរ មិនថាប្រកួតខាងមុខខ្ញុំបានលេងឬអត់ ក៏យើងសុំពេលចាំវិនិច្ឆ័យទាំងអស់គ្នា អំពីលទ្ធផលដែលកើតឡើងនៅខែវិច្ឆិកា”។
លោកបន្ត៖ “យើងត្រូវតែពង្រឹង យើងពិតជាដឹងខ្លួនឯង ឥឡូវយើងត្រៀមសម្រាប់ការប្រកួតដ៏ធំខាងមុខ [ទល់អាល្លឺម៉ង់] ហើយគ្រប់គ្នានឹងចាប់អារម្មណ៍ខ្លាំងនៅព្រឹត្តិការណ៍បន្ទាប់ World Cup សង្ឃឹមយើងអាចតបស្នងជាមួយលទ្ធផលល្អទៅកាន់ពួកគេវិញ”៕
ប្រភព៖ Sportsmole