ខ្សែបម្រើ Paul Pogba បានទទួលស្គាល់ថាខ្លួនពិតជាជួលគ្រូធ្មប់ពិតមែន ប៉ុន្តែមិនមែនដើម្បីទៅធ្វើបាបមិត្តរួមក្រុម Kylian Mbappe នោះទេ ដោយគ្រាន់តែជួលឱ្យគ្រូជួយកុំឱ្យខ្លួនគេរបួសប៉ុណ្ណោះ។
នៅប៉ុន្មានសប្ដាហ៍មកនេះរឿង Pogba និង Mbappe នៅមិនទាន់បញ្ចប់នោះទេ។ មានការចុះផ្សាយជាច្រើនថា Pogba និងបងប្រុសរបស់គេបានផ្ញើសារគម្រាមទារប្រាក់ទៅ Mbappe រហូតដល់បច្ចុប្បន្ននេះមានការប្ដឹងផ្ដល់ថែមទៀតផង។ ដោយរាជអាជ្ញានៅក្រុមបារីសបានបញ្ជាក់ថា Pogba និងដៃគូរបស់គេបានប្រើគ្រូធ្មប់ដើម្បីទៅធ្វើបាប Mbappe ព្រោះការច្រណែនឃើញកីឡាករ PSG លេចធ្លោជាងខ្លួននៅជម្រើសជាតិបារាំង។
តែនៅពេលនេះសាមីខ្លួន Pogba បានចេញមកសារភាពថាកន្លងមករូបគេពិតជាបានទៅរកជួលគ្រូធ្មប់ពិតមែន។ តែការទៅរកនោះដែរ គឺគ្រាន់តែឱ្យជួយការពារខ្លួនពីរបួសប៉ុណ្ណោះ មិនមានចេតនាទៅធ្វើបាប Mbappe ដោយការចោទប្រកាន់នោះទេ៕