គ្រូបង្វឹកក្រុមជម្រើសជាតិអ៊ីតាលី លោក Roberto Mancini ជឿជាក់ថា អង់គ្លេសនៅតែមាន “ឱកាសល្អ” ក្នុងការឈ្នះពាន World Cup នៅចុងឆ្នាំនេះ។
ក្រុមរបស់លោក Gareth Southgate បានចាញ់ក្រុមរបស់លោក Mancini ក្នុងលទ្ធផល ១-០ ក្នុងទីក្រុង Milan កាលពីយប់ថ្ងៃសុក្រ ដោយបានបន្តការបរាជ័យរបស់ពួកគេដល់ទៅ ៥ ប្រកួត ខណៈដែលពួកគេត្រូវបានកាត់ចេញពីក្រុម Nations League។
អង់គ្លេសនៅសល់មួយប្រកួតទៀតមុនការប្រកួត World Cup នៅប្រទេសកាតា ដែលជាជំនួបជាមួយអាល្លឺម៉ង់នៅថ្ងៃចន្ទ។
ពួកគេមិនបានភ្លក់រសជាតិជ័យជម្នះតាំងពីខែមីនា ដោយស្មើពីរ និងចាញ់បីប្រកួត ហើយស៊ុតបញ្ចូលទីបានតែមួយគ្រាប់ប៉ុណ្ណោះ។
ប៉ុន្តែ Mancini និងក្រុមអ៊ីតាលីរបស់ពួកគេដែលមិនបានទៅលេងនៅ World Cup នោះ នៅតែជឿជាក់ថាអង់គ្លេសជាក្រុមមួយក្នុងចំណោមក្រុមដែលមានភាគរយខ្ពស់ក្នុងការលើកពាននេះ បើទោះបីជាទម្រង់លេងមិនល្អបែបនេះក្តី។
ថ្លែងបន្ទាប់ពីការប្រកួត លោកបាននិយាយថា៖ “អង់គ្លេស លេងនៅ World Cup គឺជារឿងសំខាន់បំផុត។”
“គំនិតរបស់ខ្ញុំគឺថា អង់គ្លេសគឺជាក្រុមល្អបំផុតមួយក្នុងពិភពលោក ទោះបីជាពួកគេចាញ់ការប្រកួតក៏ដោយ។
“ពួកគេមានសង្ឃឹមខ្ពស់ក្នុងការឈ្នះពាន World Cup”៕
ប្រភព៖ The Sun