អ្នកគាំទ្រអង់គ្លេសមួយចំនួនបានអំពាវនាវឱ្យអតីតអ្នកចាត់ការក្រុម Chelsea លោក Thomas Tuchel ឲ្យមកជំនួសតណែងលោក Gareth Southgate ជាគ្រូបង្វឹកក្រុមជម្រើសជាតិអង់គ្លេស។
ភាពបរាជ័យរបស់ក្រុមអង់គ្លេស បានបន្តដល់ទៅប្រាំប្រកួតកាលពីយប់ថ្ងៃសុក្រ ខណៈពួកគេត្រូវបានក្រុមអ៊ីតាលីយកឈ្នះដោយលទ្ធផល ១-០ ក្នុងទីក្រុង Milan។
លោក Southgate គឺជាអ្នកចាត់ការដ៏ជោគជ័យបំផុតរបស់ប្រទេសអង់គ្លេសចាប់តាំងពីលោក Sir Alf Ramsey ដោយបានដឹកនាំក្រុមទៅកាន់វគ្គពាក់កណ្តាលផ្តាច់ព្រ័ត្រនៃការប្រកួតបាល់ទាត់ពិភពលោកឆ្នាំ ២០១៨ និងវគ្គផ្តាច់ព្រ័ត្រនៃ Euro ២០២០។
ប៉ុន្តែអ្នកគាំទ្រមួយចំនួនរបស់ប្រទេសនេះនៅតែមិនជឿជាក់ចំពោះសមត្ថភាពរបស់គាត់ក្នុងការដឹកនាំប្រទេសអង់គ្លេសឱ្យមានភាពរុងរឿងនៅក្នុងការប្រកួតបាល់ទាត់ពិភពលោកនៅប្រទេសកាតាឆ្នាំនេះ។
ហើយការបរាជ័យក្រោមស្នាដៃក្រុមអ៊ីតាលីបានធ្វើឲ្យអ្នកគាំទ្រកាន់តែខឹងសម្បារ ហើយទទូចឲ្យអតីតគ្រូបង្វឹក Chelsea លោក Tuchel មកជំនួសតំណែង។
អ្នកប្រើប្រាស់ប្រព័ន្ធផ្សព្វផ្សាយសង្គមម្នាក់បាននិយាយថា “បញ្ចប់តំណែងលោក Southgate។ នាំយកលោក Tuchel ។ ក្រុមអង់គ្លេសនឹងល្អមកវិញ។”
ម្នាក់ទៀតបានបន្ថែមថា៖ “ដកលោក Southgate យក Tuchel ចូលដឹកនាំបន្តនៅ World Cup។ នរណាហ៊ានបដិសេធ?”
ខណៈអ្នកទីបីបាននិយាយថា៖ “ពិបាកនឹងគាំទ្រក្រុមអង់គ្លេសដែលមានលោក Southgate ទទួលបន្ទុកណាស់។ យក Tuchel ចូលមកវិញ”៕
ប្រភព៖ The Sun