ខ្សែបម្រើ Declan Rice បានប្រាប់ទៅអ្នកគាំទ្រអង់គ្លេសឱ្យអត់ធ្មត់បន្ដិច ព្រោះអង់គ្លេសនឹងល្អឡើងវិញជាក់ជាមិនខាន។
Rice ទទួលបានទំនុកចិត្ត និងលេងបានពេញ៩០នាទីតែម្ដងក្នុងការប្រកួតដែលអង់គ្លេសលេងចាញ់ក្រុមអ៊ីតាលីក្នុងលទ្ធផល ១-០។ ដោយក្រោយពីចាញ់ការប្រកួតនៅយប់មិញនេះទៅ មានន័យថាក្រុមតោកំណាចមួយនេះរកបានត្រឹម២ពិន្ទុប៉ុណ្ណោះឆ្លងកាត់ដោយទៅ៥ប្រកួតកន្លងមកក្នុងពូល និងបានធ្លាក់ចេញពីពានរង្វាន់ UEFA Nations League ហើយផងដែរ។
ទន្ទឹមនឹងទម្រង់លេងមិនល្អនេះហើយ Rice បានប្រាប់ទៅអ្នកគាំទ្រដែលកំពុងរិះគន់ដែរថា៖ “យើងមិនមែន មិនបង្កើតឱកាសនោះទេ។ ជាច្រើនលើក យើងបានបង្កើតឱកាសនៅក្នុងប្រអប់គ្រោះថ្នាក់។ សូម្បីតែខ្ញុំក៏មានឱកាសស៊ុតផងដែរ។ សូមជឿជាក់លើខ្ញុំ យើងនឹងត្រលប់ទៅរកភាពល្អប្រសើរឡើងវិញមិនខាន”៕