ក្រុមកំណាចអង់គ្លេស បានធ្លាក់ចេញនិងនៅបាតតារាងក្នុងពូលនៃពានរង្វាន់ UEFA Nations League ហើយ ក្រោយពីពួកគេលេងចាញ់ក្រុមអ៊ីតាលីក្នុងលទ្ធផល ១-០។
អង់គ្លេស ត្បិតតែពោរពេញដោយកីឡាករល្បីៗច្រើនមែន ប៉ុន្ដែទម្រង់លេងជាក់ស្ដែងវិញឃើញថាមិនបានល្អនោះទេ។ ដោយពួកគេបរាជ័យនិងលេងស្មើប៉ុន្មានមកនេះ និងមានត្រឹម២ពិន្ទុប៉ុណ្ណោះឆ្លងកាត់ការប្រកួត៥ប្រកួតមកនេះ។ ដោយសារតែទម្រង់លេងមិនបានល្អនេះហើយ ទើបបានជាធ្វើឱ្យអ្នកគាំទ្រមិនសប្បាយចិត្ត និងបានចំអកទៅលើកាតដឹកនាំក្រុមរបស់លោក Gareth Southgate ផងដែរ ថាដឹកនាំក្រុមមិនដឹងជាស្អីនោះទេ។
រំលឹកថាអង់គ្លេសលេង៤០០នាទីហើយមិនទាន់រកបានគ្រាប់បាល់នោះទេ បើទោះជាក្រុមមួយនេះមានកីឡាករឆ្នើមៗច្រើនហើយក្ដី តែការលេងវិញហាក់មិនមានសំណាងទាល់តែសោះ។ លោក Southgate ក៏បានទទួលស្គាល់ និងទទួលខុសត្រូវចំពោះលទ្ធផលនេះដែរ៕