Patrice Evra ដែលជាអតីតកីឡាករកាន់ឆ្នាំរបស់ Man Utd ហើយបច្ចុប្បន្នបន្តជាអ្នកគាំទ្រដែរនោះ បាននិយាយសរសើរដល់កីឡាករក្លឹប Manchester City គឺគ្រាប់ពេជ្រ Erling Haaland ថាប្រាកដណាស់ នឹងបញ្ចប់រដូវកាលជា Top Scorer ជាក់ជាមិនខាន។
បញ្ជាក់ឲ្យដឹងបន្តិច កីឡាករន័រវែសមានតម្លៃផ្ទេរ ៥១ លានផោនចេញពីក្លឹបអាល្លឺម៉ង់ Dortmund មកកាន់ក្លឹបអង់គ្លេស City។ ត្រឹមការបង្ហាញខ្លួន ៧ ប្រកួតក្នុងលីគ តារាឆ្នើមវ័យក្មេងខាងលើ អាចរកបានដល់ទៅ ១១ គ្រាប់ឯណោះ ដែលស្ថិតិនេះ វាច្រើនឥតឧបមាធៀបនឹងកាល Mohamed Salah ក៏ ១០ គ្រាប់ នៅ ២២ ប្រកួត Cristiano Ronaldo ១០ គ្រាប់ នៅ ២១ ប្រកួតជាដើម។
ងាកទៅអ្នកវិភាគលោក Evra បានលើកឡើង៖ “វាពិតជាឈឺចាប់ការដែលខ្ញុំត្រូវនិយាយបែបនេះ តែវាពិតណាស់ Erling Haaland គេនឹងឈរចំណាត់ថ្នាក់កំពូលនៅ Top Scorer គេជាម៉ាស៊ីនរកគ្រាប់បាល់ ដូចតែអ្វី Guardiola បាននិយាយអ៊ីចឹង ការរកបាន Hat-trick សម្រាប់គេ មិនជាអ្វីដ៏អស្ចារ្យទេ ព្រោះវាជារឿងធម្មតាគេធ្លាប់សម្រេចបានទៅហើយក្នុងអាជីព”។
រំឭកឲ្យដឹងបន្តិច ភារកិច្ចបន្ទាប់របស់ក្លឹបមេឃខៀវ City ត្រូវតតាំងក្លឹបរួមទីក្រុង Manchester United នៅវេលាម៉ោង ០៨:០០ នាទីយប់ ថ្ងៃទី ០២ តុលា ក៏នឹងមានផ្សាយផ្ទាល់លើទំព័រ CTS SPORT ផងដែរ៕
ប្រភព៖ Sportskeeda