តាមរបាយការណ៍ពី Sussex Express ដែលប្រើប្រាស់ទិន្នន័យចេញពី Supercomputer របស់ FiveThirtyEight បានទស្សន៍ទាយជាមុន អំពីចំណាត់ថ្នាក់នៃក្លឹបកំពូលនៅ Premier League រដូវកាល ២០២២/២៣ បើទោះបីការប្រកួតទើបឈានមកដល់ជុំទី ៧ ក៏ពិតមែន។
Arsenal ជាក្លឹបឈរកំពូលតារាងនៅពេលបច្ចុប្បន្ន ត្រូវបានប្រភពប្រមើលមើលថា នឹងធ្លាក់ទៅឈរលេខ ៣ នៅជុំទី ៣៨ ហើយក្លឹបដែលលើកពានរង្វាន់លីគកំពូលអង់គ្លេស គឺបន្តជាមេឃខៀវ Manchester City ដដែល។
ប្រភពបង្ហាញ City នឹងឈរលេខ ១, Liverpool លេខ ២, Arsenal លេខ ៣ និង Tottenham Hotspur ឈរលេខ ៤ ជាក្រុមបានកៅអីលេងពានរង្វាន់ UEFA Champions League។ បញ្ជាក់ម្តងទៀត នេះគ្រាន់តែជាការទស្សន៍ទាយទុកជាមុនពីប្រភពមួយប៉ុណ្ណោះ លទ្ធផលបែបណាយើងនឹងរង់ចាំមើលទាំងអស់គ្នានៅពេលក្រោយ។
ការប្រកួតនៅ Premier League នឹងវិលចូលមកដល់សារជាថ្មី នៅចុងសប្តាហ៍ក្រោយ ពោលបន្ទាប់ចប់ International Break ត្រឹមចុងសប្ដាហ៍នេះ។ ជំនួបពិសេសគឺ Man Utd ត្រូវប៉ះ Man City នាវេលាម៉ោង ០៨:០០ នាទីយប់ ថ្ងៃសៅរ៍ ទី ០២ តុលា ក៏មានផ្សាយផ្ទាល់លើទំព័រ CTS SPORT៕
ប្រភព៖ FiveThirtyEight