ឥទ្ធិពលរបស់ GOAT នៅឯក្របខ័ណ្ឌកំពូលបារាំង គឺ Lionel Messi បានសាយភាយផលចំណេញ កើតចេញជាប្រាក់ចំណូលកើនឡើងមិនគួរឲ្យជឿសម្រាប់ក្លឹប Paris Saint-Germain ចាប់តាំងមានវត្តមានរបស់គេមកចូលរួម កាលពីរដូវក្តៅ ឆ្នាំ ២០២១។
លើសុពលភាពកុងត្រា ២ ឆ្នាំ តារាឆ្នើមអាហ្សង់ទីនបាននឹងកំពុងរីករាយនៅរដូវកាលថ្មី ឲ្យក្លឹបដឹកនាំដោយលោក Christophe Galtier ជាក់ស្តែងរដូវកាលនេះ បង្ហាញខ្លួន ១១ ប្រកួត រកបាន ៦ គ្រាប់និងAssist ៨ លើកហើយ។
ជាមួយប្រាក់ឈ្នួលរកបាន ៦០ លានផោន/ឆ្នាំ ក៏មិនជាការខាតបង់អ្វីដែរ សម្រាប់ PSG ដ្បិតអីប្រាក់ចំណូលទាញត្រលប់មកវិញ ក្រោយការមកដល់របស់ Messi គឺកើនលើសពីមុន ៦១២ លានផោនឯណោះ នៅឆ្នាំដំបូង។ វាកើតចេញពីកិច្ចព្រមព្រៀងរវាងដៃគូឧបត្ថម្ភនានា កើន ១៣ ភាគរយ ដូចទាញបានក្រុមហ៊ុន Dior PlaBetR និង GOAT ហើយដំណើរការក្រុមហ៊ុនរូបិយប័ណ្ណឌីជីថលរបស់ក្លឹប ក៏កើនចំណូលគុណទ្វេជិត ៣០០ លានផ្សេងទៀតដែរ។
តាមទិន្នន័យពី El Economista ចុះផ្សាយ ក្លឹបមានមូលដ្ឋានក្នុងទីក្រុងប៉ារីស កើបបានលុយជាច្រើន ពីការលក់អាវ ដោយតួលេខលក់កើនយ៉ាងសន្ធឹក ហើយ ៦០ ភាគរយនៃអតិថិជនដែលបានទិញ គឺជ្រើសយកអាវ ដែលមានឆ្លាក់អក្សរ ‘Messi 30’ នៅពីក្រោយ៕
ប្រភព៖ SportBible