ក្លឹបបិសាចក្រហម Manchester United ត្រូវបានគេរាយការណ៍ថា កំពុងពិចារណាចង់ដាក់សំណើចរចាផ្ទេរ Harry Kane ចេញពីក្លឹប Tottenham Hotspur មកកាន់ទឹកដី Old Trafford ជាផែនការណ៍ជំនួសកន្លែងតារាឆ្នើម Cristiano Ronaldo។
ជាការពិត កីឡាករព័រទុយហ្គាល់ ហាក់លែងទទួលបានការចាប់អារម្មណ៍ដូចមុន សូម្បីពីសំណាក់អ្នកចាត់ការ ខណៈសាមីខ្លួនផ្ទាល់ក៏មានចិត្តចង់ចាកចេញ តាំងពីរដូវក្តៅផងដែរ។ ការបន្តនៅ គឺបន្តដល់អស់កុងត្រា បើតាមការជឿជាក់ រួចក៏មានភាគរយដែលបុរសវ័យ ៣៧ ឆ្នាំ អាចបែកផ្លូវត្រឹមខែមករាខាងមុខ។
តាមសារព័ត៌មាន Fichajes ចុះផ្សាយថា ខណៈពេលនេះ មានក្លឹបធំ ៣ នៅអឺរ៉ុប តួយ៉ាងគឺ Man Utd, Chelsea និង Bayern Munich សម្លឹងលើគោលដៅតែមួយគឺ Kane។ សម្រាប់បិសាចក្រហម បើដូចចចាមអារ៉ាមចុះផ្សាយសព្វមួយដង ថាអាចមានកញ្ចប់ប្រាក់ ៧០ លានផោន បូក ៣០ លានករណី CR7 ចាកចេញ ម្ល៉េះលុយល្បាក់ ១០០ លានផោន គឺសមល្មមអាចចរចាយកប្រធានក្រុមជម្រើសជាតិអង់គ្លេសចេញពី Spurs បានហើយ។
រំឭកឲ្យដឹង ខ្សែប្រយុទ្ធវ័យ ២៩ ឆ្នាំ បានឈរជើងកាន់ឆ្នាំ បង្ហាញខ្លួន ៣៩៥ ប្រកួត រកបាន ២៥៤ គ្រាប់និង Assist ៦០ លើកឲ្យ Spurs។ ទោះជាយ៉ាងណាលោកចន្លោះ ត្រង់ការឈ្នះពានរង្វាន់ ដែលវាអាចជាដំណោះស្រាយមកបំពេញសម្រាប់អាជីពនៅក្លឹបថ្មី Man Utd ក៏ថាបាន៕
ប្រភព៖ Fichajes