ពានរង្វាន់ UEFA Nations League នឹងសម្រេចរកឃើញ ៤ ក្រុមត្រូវឡើងទៅកាន់វគ្គចុងក្រោយ ត្រឹមចុងខែកញ្ញានេះ ដោយតាមច្បាប់គឺជ្រើសយក ក្រុមជម្រើសជាតិល្អបំផុតប្រចាំវគ្គចែកពូល នៃ Group នីមួយៗ។
យើងងាកមក Goup A1 ដែលទើបបញ្ចប់ការប្រកួតជុំទី ៥ កាលពីយប់មិញ ជាលទ្ធផលឃើញក្រូអាត យកឈ្នះដាណឺម៉ាក ២-១ ជួនពេលបារាំង យកឈ្នះ ២-០ ទៅលើអូទ្រីស។ គ្រាប់បាល់ខាងក្រុមឈរចំណាត់ថ្នាក់កំពូលក្រូអាត រកបានដោយ Borna Sosa និង Lovro Majer ខណៈខាងគូប្រជែងធ្វើបានដោយ Christian Eriksen។
គិតត្រឹមវគ្គនេះ ក្រូអាតឈរលេខ ១ មាន ១០ ពិន្ទុ តាមពីក្រោយដោយដាណឺម៉ាក មាន ៩ ពិន្ទុ ហើយបារាំង មាន ៥ ពិន្ទុ និងអូទ្រីសមាន ៤ ពិន្ទុ។ មានន័យថាជុំចុងក្រោយ គឺសល់តែក្រុមពីរប៉ុណ្ណោះ អាចសង្ឃឹមឡើង គឺរវាងក្រូអាត និងដាណឺម៉ាក។ បើក្រុមទាំងពីរឈ្នះ ជុំទី ៦ ក៏នៅតែក្រូអាតឡើង តែបើដាណឺម៉ាក ឈ្នះ ហើយក្រូអាតស្មើ ឬ ចាញ់ នោះដាណឺម៉ាកជាអ្នកឡើង។
ខណៈនៅ Group A2 អាចជាអេស្ប៉ាញ ឬព័រទុយហ្គាល់ រីឯ Group A3 អាចហុងគ្រី, អាល្លឺម៉ង់ ឬអ៊ីតាលី និង Group A4 អាចជាហូឡង់, បែលហ្សិក ដែលសង្ឃឹមឡើងទៅវគ្គ Finals ៤ ក្រុមចុងក្រោយ។ ការប្រកួតវគ្គចុងក្រោយនោះ នឹងតតាំងនៅខែមិថុនា ឆ្នាំ ២០២៣ ដើម្បីសម្រេចយកក្រុមឈ្នះជើងឯក៕
ប្រភព៖ បរទេស