លោក Carlo Ancelotti បានជ្រើសរើសប្រទេសមួយដែលខ្លាំងជាងគេនិងអាចឈ្នះពានរង្វាន់ FIFA World Cup 2022 ទៅហើយគឺក្រុមប្រទេសប្រេស៊ីល។
Ancelotti អ្នកចាត់ការសញ្ជាតិអ៊ីតាលី ប៉ុន្តែនៅ World Cup 2022 ខាងមុខនេះ មិនមានប្រទេសដើមកំណើតរបស់លោកបានចូលលេងនោះទេ។ ដូច្នេះហើយ ប្រទេសដែលអ្នកចាត់ការក្រុម Real Madrid សម្លឹងឃើញនិងគិតថាខ្លាំងជាងគេនោះគឺមានប្រេស៊ីលរបស់អាមេរិកឡាទីនប៉ុណ្ណោះ បន្ទាប់មកទៀតមានតែក្រុមមាន់គកបារាំងដែលជាក្រុមការពារតំណែងជើងឯកតែម្ដង។
បុរសវ័យ៦៣ឆ្នាំបាននិយាយថា៖ “ប្រេស៊ីល និងបារាំងជាក្រុមខ្លាំងជាងគេ បន្ទាប់មកខ្ញុំសុំនិយាយថាអាហ្សង់ទីន ដែលមាន Lionel Messi ។ អេស្ប៉ាញជាក្រុមល្អមួយដែលត្រូវតាមដានផងដែរ។ ខ្ញុំអាចនិយាយថាអង់គ្លេស និងអាល្លឺម៉ង់ជាក្រុមដែលចាប់ផ្ដើមធ្វើបានល្អឡើងវិញហើយ”៕