ក្របខណ្ឌ UEFA កំពុងសិក្សាគម្រោងបង្កើតពានរង្វាន់មួយទៀតឈ្មោះថា Super Cup ដែលនឹងមានក្រុមចូលរួមត្រឹម៤ក្រុមប៉ុណ្ណោះលេងនៅរដូវក្ដៅ។
ដំបូងឡើយ UEFA មានពានរង្វាន់ UEFA Super Cup មួយទៅហើយដែលលេងរវាងក្រុមម្ចាស់ជើងឯក UEFA Champions League និងម្ចាស់ជើងឯកពានរង្វាន់ UEFA Europa League ហើយលេង១ប្រកួតឈ្នះពានយកតែម្ដង។ តែចាប់ពីរដូវកាលក្រោយទៅ ថ្នាក់ដឹកនាំក្របខណ្ឌបាល់ទាត់អឺរ៉ុបមួយនេះកំពុងពិចារណាកែប្រែពានរង្វាន់ Super Cup នេះឡើងវិញដោយតំឡើងឱ្យដល់៤ក្រុមដើម្បីចូលរួមការប្រកួត និងមានការប្រកួតច្រើនបន្ដិច។
ដោយក្រុម៤នោះ ២ក្រុមយកពីពានរង្វាន់ Champions League និង Europa League ដដែល ខណៈដែលមួយក្រុមទៀតជាម្ចាស់ជើងឯកពានរង្វាន់ថ្មីទើបបង្កើតដែរ Europa Conference League និង១ក្រុមទៀតជាក្រុមម្ចាស់ជើងឯកពានរង្វាន់ Major Soccer League របស់អាមេរិក។ ដោយធ្វើបែបនេះដើម្បីឱ្យលីគអាមេរិក មានការរីកចម្រើនឡើងជាពិសេសនៅតំបន់អឺរ៉ុប ព្រោះកីឡាករភាគច្រើនឱ្យតែអាយុច្រើនបន្ដិចនឹងផ្លាស់ទៅលេងនៅអាមេរិកហើយ៕