លោក Keisuke Honda បាននិយាយថាខ្លួនដឹងចំណុចខ្វះខាតក្រុម និងអ្វីដែលត្រូវកែលម្អក្រុមបន្ថែមទៀត ក្រោយពីលេងចាញ់ក្រុម U23 ជប៉ុនក្នុងលទ្ធផល ៣-១។
ក្រុម U23 កម្ពុជានៅយប់មិញនេះ បានបង្ហាញទម្រង់លេងប្រសើរឡើងច្រើនហើយដែរ ប៉ុន្តែក្រុម U23 ជប៉ុនពិតជាខ្លាំង ខ្លាំងលើសក្រុមកម្ពុជាឆ្ងាយហើយ។ លោក Honda ដែលជាអ្នកចាត់ការក្រុម ក៏បានយល់ច្បាស់ពីចំណុចនេះដូចគ្នា ហើយលោកអះអាងថាការប្រកួតមិត្តភាពនេះគ្រាន់តែជាការដកស្រង់បទពិសោធប៉ុណ្ណោះ។ Honda បាននិយាយក្រោយចប់ការប្រកួតថា៖ “ខ្ញុំច្បាស់ណាស់ពីអ្វីដែលយើងត្រូវធ្វើដើម្បីភាពប្រសើរឡើង។ ពិតណាស់ វាត្រូវការពេលវេលា ប៉ុន្តែយើងអាចធ្វើបាន”។
រំលឹកថា U23 ជប៉ុន ជាក្រុមមកពីសាកលវិទ្យាល័យមែន ប៉ុន្តែសមាជិកក្នុងក្រុមនេះក៏មានខ្លះអាចនឹងចូលលេងនៅក្លឹបអាជីពផងដែរនៅពេលពួកគេបញ្ចប់ការសិក្សា។ ខណៈដែល U23 កម្ពុជាវិញ យកការប្រកួតមិត្តភាពនេះដើម្បីត្រៀមខ្លួនធ្វើជាម្ចាស់ផ្ទះស៊ីហ្គេម២០២៣ខាងមុខ៕