ខ្សែការពារ Sergio Ramos បានបង្ហាញការមិនសប្បាយចិត្តនោះទេ ចំពោះការដែលខ្លួនមិនត្រូវបានកោះហៅចូលជម្រើសជាតិអេស្ប៉ាញត្រៀមប្រកួតជាមួយក្រុមស្វីសនិងព័រទុយហ្គាល់។
ក្រុមអេស្ប៉ាញបានបង្ហាញពីបេក្ខភាពកីឡាករដើម្បីត្រៀមប្រកួតក្នុងពានរង្វាន់ UEFA Nations League ហើយទល់ក្រុមស្វីសនិងព័រទុយហ្គាល់។ តែក្នុងបញ្ជីឈ្មោះនោះដែរ គេមិនបានឃើញមានវត្តមានរបស់ Ramos ដែលកំពុងលេងបានល្អនៅក្រុម PSG នោះទេ។ ដោយលោក Enrique បែរជាកោះហៅកីឡាករក្មេងៗជាច្រើននាក់ទៅវិញ។ ការណ៍នេះហើយ ទើបបានជាធ្វើឱ្យ Ramos ហាក់អាក់អន់ចិត្តផងដែរ ព្រោះខ្លួននារដូវកាលនេះតែងតែបានចូលលេងនិងបង្ហាញទម្រង់លេងប្រសើរដែរ។
រំលឹកថា Ramos ជាអតីតប្រធានក្រុមជម្រើសជាតិអេស្ប៉ាញ តែក្រោយពីផ្លាស់ចេញទៅលេងនៅ PSG និងមានបញ្ហារបួសជាប់រហូតទៅ ទើបធ្វើឱ្យឱកាសលេងនៅជម្រើសជាតិរបូតវិញរហូតដល់បច្ចុប្បន្ននេះ។ យ៉ាងណា ខ្សែការពារវ័យ៣៦ឆ្នាំរំពឹងថានៅ World Cup ចុងឆ្នាំនេះគេនឹងអាចបានកៅអីលេងវិញផងដែរ៕