ហ្វេនរបស់ក្រុម Atletico Madrid ម្នាក់ដែលយករូបតុក្កតាស្វាមកឌឺដងឱ្យ Vinicius Junior កាលពីថ្ងៃអាទិត្យកន្លងទៅនោះ ត្រូវគេធ្វើបាបរហូតខៀវភ្នែក ជាំមុខនៅពេលថ្មីៗនេះ។
កាលពីជំនួប Madrid Derby កន្លងទៅ មានហ្វេនរបស់ AT Madrid ម្នាក់បានបង្ហាញការរើសអើងតែម្ដង ដោយយកតុក្កតាស្វាពាក់អាវ Real Madrid និងហៅថានេះជា Vinicius ។ រឿងនេះបានធ្វើឱ្យក្រុម Real Madrid ខឹង ហើយខាងក្របខណ្ឌ La Liga វិញក៏កំពុងរកប្រភពដើមនៃករណីនេះ ដើម្បីចាត់វិធានការផងដែរ។ ស្របពេលម្ចាស់ផ្ទះ AT Madrid វិញក៏អះអាងថានឹងមិនលើកលែងចំពោះអ្នកគាំទ្រដែលបង្ហាញពីការរើសអើងដូចគ្នា។
ស្របពេលគ្រប់ភាគីសុទ្ធតែបង្ហាញពីការមិនពេញចិត្តនេះដែរ នៅយប់មិញនេះក៏ស្រាប់តែហ្វេនដែលលើកតុក្កតាស្វានោះ បង្ហោះរូបនៅលើបណ្ដាញសង្គម ដោយអះអាងថាគេត្រូវបានមនុស្សមួយក្រុមធ្វើបាប។ ដែលអ្នកធ្វើបាបនោះ ត្រូវបានហ្វេនរូបនេះបញ្ជាក់ច្បាស់ថាជាអ្នកគាំទ្ររបស់ក្រុមអធិរាជស Real Madrid មានបំណងអាក្រក់មកលើខ្លួន លួចធ្វើបាបគេអំឡុងពេលយប់ពេលធ្វើដំណើរទៅផ្ទះ៕