ក្របខណ្ឌ La Liga កំពុងចាប់ផ្ដើមសើបអង្កេតទៅលើករណីរើសអើងលើកីឡាករ Vinicius Junior ហើយ អំឡុងពេលប្រកួតជាមួយក្រុម Atletico Madrid កាលពីចុងសប្ដាហ៍កន្លងទៅ។
ជំនួប Madrid Derby កន្លងទៅ មានអ្នកគាំទ្ររបស់ក្រុម AT Madrid បានយកតុក្កតាស្វាមកពាក់អាវ Real Madrid ហើយមានអ្នកស្រែកថា Vinicius ជាស្វាពូកែរាំថែមទៀតផង។ ករណីនេះដែរ ក្រុម Real Madrid បានត្រៀមពាក្យបណ្ដឹងផងដែរ ស្របពេលខាង La Liga វិញក៏ដូចគ្នា ដោយត្រៀមក្រុមការងារសើបទៅលើរឿងនេះ។ ខណៈដែលអ្នកគាំទ្រដែលបានបង្ហាញទង្វើរើសអើងវិញ ក៏នឹងប្រឈមការពិន័យផងដែរ។
រំលឹកថារឿងអើសរើងទៅលើខ្សែប្រយុទ្ធប្រេស៊ីលខាងលើកំពុងផ្ទុះខ្លាំងក្នុងពិភពបាល់ទាត់ ដោយមានកីឡាករល្បីៗជាច្រើនចេញមកមកគាំទ្រនិងប្រឆាំងដាច់ខាតចំពោះការរើសអើងនេះ។ ដោយសារតែដូច្នេះហើយ ទើបបានជាខាង La Liga មិនអាចនៅស្ងៀមបានទេ៕