សមាជិកក្រុមបិសាចក្រហម Manchester United បានពុលអាហារស្ទើរតែគ្រប់គ្នា ក្រោយពីត្រលប់មកពីប្រកួតជាមួយក្រុម Sheriff ក្នុងពានរង្វាន់ UEFA Europa League មក។
កាលពីសប្ដាហ៍មុននេះ ក្រុម Man Utd បានប្រកួតឈ្នះក្រុម Sheriff ក្នុងលទ្ធផល ២-០ សម្រាប់ការប្រកួតសប្ដាហ៍ទី២នៃពានរង្វាន់ Europa League ។ តែក្រោយពីត្រលប់ពីប្រកួតនោះមក សមាជិកក្នុងក្រុមនិងបុគ្គលិកខ្លះមានអាការៈមិនស្រួលខ្លួន ពុលអាហារ។ ដោយមានកីឡាករមួយចំនួនពុលខ្លាំងរហូតដល់មិនអាចចូលហាត់ជាមួយក្រុមបានផង។ ដោយក្លឹបបានសម្រេចផ្អាកការហាត់ផងដែរកាលពីចុងសប្ដាហ៍កន្លងទៅ។
បើតាមប្រភពក្លឹបបានបញ្ជាក់ថាការពុលនេះទំនងកើតចេញពីការញ៉ាំអាហារអំឡុងពេលស្នាក់នៅមុនការប្រកួតទល់ក្រុម Sheriff ឬអាហារដែលពួកគេញ៉ាំនៅលើយន្ដហោះពេលធ្វើដំណើរត្រលប់មកវិញ។ តែយ៉ាងណា ក៏មិនមានអ្នកពុលខ្លាំងរហូតដល់ចូលមន្ទីរពេទ្យនោះទេ៕