Nick Taylor កីឡាករកូនកាត់អាមេរិក បានចូលរួមហ្វឹកហាត់ជាមួយក្រុមជម្រើសជាតិកម្ពុជាហើយ ដើម្បីត្រៀមលេងប្រកួតមិត្តភាពជាមួយក្រុមជម្រើសជាតិកម្ពុជា។
ខ្សែប្រយុទ្ធស្លាបដែលកំពុងប្រកបអាជីពនៅទឹកដីសហរដ្ឋអាមេរិក ជាមួយក្រុម Orlando City B ខាងលើបានមកដឹកដីកម្ពុជាកាលពីសប្ដាហ៍មុន និងបានហ្វឹកហាត់ជាមួយក្រុមជម្រើសជាតិកម្ពុជាប៉ុន្មានថ្ងៃមកហើយ។ ក្នុងការបានហាត់ជាមួយគ្រូបង្វឹកហុងដា និងសមាជិកក្រុមដទៃទៀតនោះ កីឡាករNick Taylor បាននិយាយអារម្មណ៍នៅក្នុងចិត្តថា៖ “មកលេងនេះគឺមកដោយក្ដីស្រមៃ ចេញពីបេះដូង និងលេងដើម្បីជាតិរបស់យើង”។
រំលឹកដែរថា Nick អាចមកលេងនៅកម្ពុជានេះ ក្រោយពីក្លឹប Orlando City B យល់ព្រមឱ្យគេមក ព្រោះការប្រកួតមិត្តភាពរបស់កម្ពុជាទល់ក្រុមបង់ក្លាដែស នៅចំថ្ងៃ FIFA Day ។ កីឡាករខាងលើមានបទពិសោធច្រើនក្នុងការលេងនៅអាមេរិកដូចជានៅក្លឹប Dallas Texans, New Mexico Lobos, SMU Mustangs និង Orlando City B ជាដើម៕