ខ្សែប្រយុទ្ធ Gabriel Jesus របស់ក្រុម Arsenal បានអបអរគ្រាប់បាល់របស់គេដែលរកបានទល់ក្រុម Brentford ដោយការរាំអបអរ ដើម្បីជាការបង្ហាញនិងគាំទ្រទៅដល់ទង្វើរបស់ Vinicius Junior និងប្រឆាំងការរើសអើងផងដែរ។
Vinicius ត្រូវបានភ្នាក់ងារក្នុងវិស័យបាល់ទាត់អេស្ប៉ាញម្នាក់ឈ្មោះ Pedro Bravo រើសអើង ដោយលោកហៅខ្សែប្រយុទ្ធប្រេស៊ីលថាធ្វើដូចស្វា នៅពេលគេស៊ុតបញ្ចូលទី។ បញ្ហានេះត្រូវបានអ្នកក្នុងវិស័យបាល់ទាត់ប្រតិកម្មខ្លាំង រហូតដល់មានការបង្ហាញការគាំទ្រឱ្យ Vinicius បន្ដធ្វើអ្វីដែលគេគិតថាល្អ ហើយការរាំអបអរគ្រាប់បាល់ទៀតសោត ក៏មិនត្រូវចាត់ទុកជាស្វាឬអ្វីផងដែរ។
ដោយក្នុងនោះ Jesus ដែលជាមិត្តរួមក្រុមនៅជម្រើសជាតិប្រេស៊ីល បានចេញមុខបង្ហោះនៅលើបណ្ដាញសង្គមឱ្យ Vinicius បន្ដរាំទៀត ហើយរូបគេផ្ទាល់នៅយប់មិញ ក្រោយពីរកគ្រាប់បាល់បានជួយ Arsenal យកឈ្នះ Brentford ៣-០ ក៏បានរាំដូចទៅនឹងខ្សែប្រយុទ្ធ Real Madrid ធ្វើកន្លងមកផងដែរ៕