លោក Antonio Conte បាននិយាយថាទំនងជាដាក់ឱ្យខ្សែប្រយុទ្ធ Son Heung-min ឱ្យបម្រុងទៀត ព្រោះពេលគេប្ដូរចូលទម្រង់លេងរបស់ក្រុមមានភាពប្លែកនិងមុតស្រួចល្អ។
ខ្សែប្រយុទ្ធកូរ៉េខាងត្បូងត្រូវបានលោក Conte ដាក់ឱ្យបម្រុងសិនក្នុងការប្រកួតទល់ក្រុម Leicester City មុនពេលប្ដូរគេចូលនៅនាទី៥៩ក្នុងតង់ទី២។ យ៉ាងណាមិញ ការដូរចូលរបស់គេពិតជាមានប្រសិទ្ធភាពល្អណាស់។ ជាក់ស្ដែងក្នុងការប្រកួតនេះ រកបានដល់ទៅ៣គ្រាប់ម្នាក់ឯងឯណោះក្នុងរយៈពេលត្រឹម១៤នាទីប៉ុណ្ណោះ។
ដោយសារតែឃើញដូរចូលលេងល្អនិងជួយក្រុមបានច្រើននេះដែរ ទើបបានជាលោក Conte និយាយបែបលេងសើចថា៖ “ខ្ញុំសប្បាយចិត្ដជាមួយ Son នៅថ្ងៃនេះ។ ខ្ញុំបាននិយាយជាមួយគាត់ ប្រសិនបើគាត់រកបាន៣គ្រាប់ក្នុងពេល៣០នាទី ខ្ញុំនឹងឱ្យគាត់នៅបម្រុងទៀត ប៉ុន្តែនោះជារឿងខ្ញុំនិយាយលេងជាមួយគាត់ទេ។ គាត់ជាកីឡាករសំខាន់ក្នុងក្រុម គាត់ក៏ត្រូវការសម្រាកខ្លះដែរ មិនអាចលេងបានពេញៗគ្រប់ប្រកួតនោះទេ”៕