ខ្សែប្រយុទ្ធ Robert Lewandowski បន្ដរកគ្រាប់បាល់បានទៀតហើយ ជួយក្រុម FC Barcelona យកឈ្នះលើក្រុម Elche ៣-០ ឡើងទៅឈរនៅកំពូលតារាង La Liga ។
ក្រុម Barcelona ក្រោយពីធ្វើមិនបានល្អនៅក្របខណ្ឌ UEFA Champions League ដោយចាញ់ Bayern Munich ២-០ មក នៅពេលនេះពួកគេបានស្រោចស្រង់មុខមាត់ឡើងវិញហើយ ដោយយកឈ្នះក្រុម Elche ៣-០។ ក្នុងចំណោម៣គ្រាប់នោះដែរ គឺចេញពីជើងរបស់ Lewandowski ២គ្រាប់និង Depay ១គ្រាប់។ ជ័យជម្នះនេះដែរ ក៏បានជួយក្រុម Barcelona ឡើងឈរកំពូលតារាងបណ្ដោះអាសន្នសិនដែរ ដោយមាន១៦ពិន្ទុ ឆ្លងកាត់៦ប្រកួតមកនេះ។
ដោយឡែកសម្រាប់ខ្សែប្រយុទ្ធ Lewandowski វិញ នៅពេលនេះរូបគេរកបាន១១គ្រាប់ហើយ ក្នុងចំណោមការបង្ហាញខ្លួន៩ប្រកួតមកនេះ។ ប្រសិនបើបន្ដទម្រង់លេងល្អយ៉ាងនេះទៀត នោះរដូវកាលនេះស្បែកជើងមាសប្រាកដជាធ្លាក់ទៅលើរូបគេមិនខាន៕