ក្រុម Bayern Munich បានបរាជ័យក្រោមថ្វីជើងក្រុម Augsburg ក្នុងលទ្ធផល ១-០ ក្នុងការប្រកួតលីគកំពូលអាល្លឺម៉ង់ Bundesliga នៅយប់មិញនេះ។
ជើងខ្លាំងរបស់អាល្លឺម៉ង់ខាងលើហាក់ធ្វើមិនបានល្អទាល់តែសោះនៅប៉ុន្មានប្រកួតមកនេះក្នុងលីគអាល្លឺម៉ង់ ដោយ៤ប្រកួតកន្លងមកនេះ ពួកគេមិនទាន់ឈ្នះទាល់តែសោះ។ ខណៈដែលយប់មិញនេះទៀតសោត ពួកគេបានចាញ់ក្រុម Augsburg ក្នុងលទ្ធផល ១-០ ដោយនេះក៏ជាប្រកួតដំបូងរបស់ពួកគេ ក្នុងរយៈពេល៨៧ប្រកួតមកនេះ ដែលខកខានមិនអាចស៊ុតដៃគូចូលផងដែរ។
ជាមួយលទ្ធផលនេះដែរ ក្រុម Bayern Munich ធ្លាក់ទៅលេខ៤ក្នុងតារាង Bundesliga ទៅហើយ ដោយលេង៧ប្រកួតមកនេះ ទើបមាន១២ពិន្ទុប៉ុណ្ណោះ។ ក្រុមលេខ១ Dortmund មាន១៥ពិន្ទុ ឆ្លងកាត់៧ប្រកួតដូចគ្នា៕