ខ្សែប្រយុទ្ធ Son Heung-min របស់កូរ៉េខាងត្បូង រកបានហែកទ្រីក ៣គ្រាប់ម្នាក់ឯងជួយក្រុម Spurs យកឈ្នះលើក្រុម Leicester City ក្នុងលទ្ធផល ៦-២ ។
ក្នុងការប្រកួតនេះដែរ លោក Antonio Conte មិនបានដាក់ Son ឱ្យចូលលេងជម្រើស១១នាក់ដំបូងទេ ពោលគឺប្ដូរចូលប៉ុណ្ណោះ។ យ៉ាងណាមិញ ការប្ដូរចូលរបស់គេពិតជាមានគុណភាព ពោលគឺត្រឹមរយៈពេល១៤នាទី រូបគេរកបានដល់ទៅ៣គ្រាប់ឯណោះ។ សរុបទាំង៣គ្រាប់របស់គេទៀត ក្នុងការប្រកួតនេះក្រុម Spurs បានយកឈ្នះលើក្រុម Leicester City ដល់ទៅ ៦-២។
ជ័យជម្នះនេះដែរបានធ្វើឱ្យក្រុម Spurs មានកំណត់ត្រាមិនទាន់ចាញ់នោះទេនៅក្របខណ្ឌ English Premier League ដោយលេងបាន៧ប្រកួត ស្មើ២ប្រកួត និងឈ្នះ៥ប្រកួត។ នៅពេលនេះ ពួកគេមាន១៧ពិន្ទុ ឈរនៅចំណាត់ថ្នាក់លេខ២ក្នុងតារាង៕