អ្នកចាត់ការក្លឹបមេឃខៀវ Manchester City លោក Pep Guardiola បានរៀបរាប់ថា កូនក្រុមខ្លួន Erling Haaland នឹងអាចធ្វើបានល្អជាងពេលបច្ចុប្បន្នបន្ថែមទៀត ក្នុងនាមជាខ្សែប្រយុទ្ធដ៏លេចធ្លោមួយរូប និងជាមនុស្សមានអត្តចរិតល្អ។
យុវជនសញ្ជាតិន័រវេស ជាការពិតកំពុងធ្វើបានល្អទាំងនៅក្របខ័ណ្ឌ Premier League និង UEFA Champions League ហើយក្លឹបចាយអស់ត្រឹម ៥១ លានផោនប៉ុណ្ណោះ ថ្ពក់គេចេញពី Dortmund កាលពីរដូវក្តៅ។ នេះបង្ហាញខ្លួន ៩ ប្រកួត រកបាន ១៣ គ្រាប់ហើយឲ្យមេឃខៀវ។
Guardiola និយាយកាលពីថ្ងៃសុក្រកន្លងទៅថា៖ “Haaland ជាខ្សែប្រយុទ្ធដ៏លេចធ្លោបំផុតមួយ ខ្ញុំនិយាយពាក្យនេះច្រើនលើកច្រើនសារហើយ តែនៅអាយុល្បាក់គេ ខ្ញុំគិតថាគេមានមហិច្ឆតាធំ គេនឹងល្អជាងនេះទៀត”។
លោកបន្ត៖ “គេជាមនុស្សដ៏ល្អឥតខ្ចោះ ជាបុរសដ៏ល្អម្នាក់ ចំណុចហ្នឹងវាជារឿងសំខាន់ ហើយគុណភាពរបស់គេ ក៏ល្អដូចតែពីមុន រួចបន្តមកធ្វើបានល្អនៅទីនេះ ទាំងដែលយើងមិនបានបន្ថែមឬកែខៃអ្វីថ្មីច្រើនឡើយ”៕
ប្រភព៖ BeSoccer