Erling Haaland ត្រូវបានគេចាប់អារម្មណ៍នៅពេលចុងក្រោយ ដែលថាមិនសូវទទួលបានឱកាសប៉ះបាល់លើទីលាននោះទេ ក៏ប៉ុន្តែគ្រាប់បាល់ហាក់កើនឡើងខ្លាំង ពោលច្រើនជាងកីឡាករណាៗទាំងអស់នៅក្របខ័ណ្ឌកំពូលអង់គ្លេសរដូវកាលនេះ។
ខ្ទង់ចំណាយ ៥១ លានផោន ដែល City បានចាយទៅលើ Dortmund ថ្ពក់យកកីឡាករន័រវេសមកទឹកដីអង់គ្លេស ត្រឹមតែការបង្ហាញខ្លួន ៦ ប្រកួត គេអាចរកបានដល់ទៅ ១០ គ្រាប់។ ជាមធ្យមសម្រាប់កីឡាករវ័យ ២២ ឆ្នាំ ត្រូវការ ការប៉ះបាល់ត្រឹម ១៣,២ លើក គឺអាចសម្រេចទីមួយគ្រាប់។ នេះបើតាមទិន្នន័យពី Opta។
តួលេខជាមធ្យមនេះ បើធៀបនឹង Antony (Man Utd) ត្រូវការ ២៨ លើក/គ្រាប់, Callum Wilson ២៨,៥ លើក/គ្រាប់, Alexander Isak (Newcastle) ៣៩ លើក/គ្រាប់, Julian Alvarez (City) ៤០,៥ លើក/គ្រាប់ និង Rodrigo (Leeds United) ៤១ លើក/គ្រាប់ ជាដើម៕
ប្រភព៖ Opta